கவிச்சுடர் இளவல் ஹரிஹரன், மதுரை
காதலோடு கண்மயங்கும் காமரசம் உள்முயங்கும்
ஆதரவாய்க் கவிதைகளோ பொங்கும் - மனம்
ஆசையலை ஆடிடவே தங்கும்.
பாதமுதல் கேசமீது பார்த்தலையும் கண்களுடன்
வாதம் செய்து வம்பிழுக்கும் நெஞ்சம் - அவள்
வடிவழகைக் கண்டுமிகக் கெஞ்சும்
மோதவரும் முன்னழகும் மோகமூட்டும் பின்னழகும்
காதலோடு கவிதைசொலத் தூண்டும் - அடடா
காத்திருக்கும் சொற்களெலாம் வேண்டும்
பாதரசம் போலமின்னும் பார்வைகளோ போதையூட்டும்
மாதவளோ தேன்வழியும் கிண்ணம் - எனை
மயக்குதடி நினைவிலெழும் எண்ணம்
No comments:
Post a Comment