பைந்தமிழ்ச் செம்மல்
செல்லையா வாமதேவன்
வண்ணப்பா
தான தந்த தான தந்த
தான தந்த தான தந்த
தான தந்த தான தந்த தனதானா
மாலை வந்து வானெ ழுந்த
மாரு தங்க லாப மென்று
மாச னங்கள் நாடு கின்ற பொழுதாமே
மானி னங்க ளோடு கங்கை
மாக ணங்கள் ஊர நின்று
மாத லங்க ளோது மின்ப மறையாமே
பாலை யெங்கு மேபொ ழிந்து
பாகு தென்ற லோடு சிந்து
பாடி யந்தி மாலை வந்த மதிதேனே
பாத மின்றி யூரு பந்து
பாட கந்த டாகம் அம்பு
பாத வங்க ளோடு விந்தை எழிலாமே
வாலை மங்கை யோடு தங்கை
வாளம் ஒன்று கூடி முன்றில்
வாகை விஞ்சு நாட கங்கள் விழைவாரே
வாத மென்று கூனு டம்பில்
வாதை தங்கு மாவ ரங்கள்
வாகு பொங்கு பார தங்கள் மொழிவாரே
வேலை நின்று மோடி வந்து
வேக மொன்றி ஓத னங்கள்
வீறு கொண்டு சோர்வை வென்று புரிமாதர்
வீணை யின்ப நாத முண்டு
வீசு கஞ்சி வாச மொன்ற
வீதி சந்தி வேணி யெங்கும் நிறைவாமே!
(மாகணம் - பாம்பு, பாடகம் - விளைநிலம், அம்பு - கடல், பாதவம் - தோப்பு, ஓதனம் - உணவு, வேணி - ஆகாயவெளி)
No comments:
Post a Comment