(வண்ணப்பா)
வந்தது மேனோ சென்றது மேனோ
வந்துள நாமே - தெளியோமே
வந்தவ(ர்) மேலே சென்றிடு(ம்) நாளே
வந்துள நாமே - அறியோமே
சொந்தமு மேதோ பந்தமு மேதோ
தொந்தர வானா(ல்) - விலகாதோ
சிந்தையி னாலே இன்பம தாலோ
துன்பம தாலோ குலையாதே
தந்தது தானோ கொண்டது தானோ
இங்குள தாமே - பதறாதே
தங்கிடு மாறே வந்தவர் நாமே
என்பதை நீயே - மறவாதே.
நிந்தனை யாலோ வந்தனை யாலோ
கொஞ்சமும் நீயே - தளராதே
நொந்திடு மாறே வன்பகை யேனோ
அன்பினை நீயே – பொழிவாயே
No comments:
Post a Comment