காதல் தேவி நீயே

நிர்மலா சிவராசசிங்கம்

அறுசீர் விருத்தம்

பூக்கள் மலர்ந்த தருணம்

பூவை உன்னைக் கண்டேன்

பாக்கள் வடிக்க நானும்

பாவை நீயும் நாண

ஏக்கம் மனத்தில் பிறக்க

என்னே பார்வை பார்த்தாய்

தூக்கம் கலைந்து போகச்

சுகமாய் நீயும் சிரித்தாய்

உள்ளம் மகிழ்வில் பறக்க

உண்மை மௌனம் பேசத்

துள்ளி வந்தேன் அருகில்

தூரத் தள்ளி நின்றாய்

கள்ள மற்ற பெண்ணே

காதல் வலையில் வீழ்ந்தேன்

அள்ளி அணைக்கத் துடிக்க

அசைந்து சென்றாய் நீயும்

எண்ணம் போன்ற வாழ்வு

எளிதாய்க் கிட்டு மன்றோ

கண்கள் கண்ட கனவில்

காதல் தேவி  நீயே

வண்ணக் கனவு  பலிக்க

மகிழ்வு பொங்கும் மனத்தில்

பெண்மை மகிழ்வு கொள்ள

பெருமைக்  கொடுத்தி டுவேனே